მომსახურების პირობები

მოგესალმებით ვებგვერდზე printpalace.ge.

წინამდებარე „მომსახურების პირობები“ (შემდგომში „პირობები“) განსაზღვრავს წესებს შპს „პრინტ პალასსა“ (შემდგომში „კომპანია“) და მომხმარებელს (შემდგომში „მომხმარებელი“) შორის. ვებგვერდით სარგებლობით ან შეკვეთის გაფორმებით მომხმარებელი უპირობოდ ეთანხმება ამ პირობებს.

1. დიზაინის/მაკეტის დადასტურება და მომხმარებლის პასუხისმგებლობა

1.1. მომხმარებელი სრულად იღებს პასუხისმგებლობას დასაბეჭდად მოწოდებული ან შეთანხმებული დიზაინის/მაკეტის სისწორეზე (მათ შორის: ტექსტური შეცდომები, ორთოგრაფია, ფერები, ზომები, გამოსახულების ხარისხი/რეზოლუცია).

1.2. ბეჭდვაზე საბოლოო დასტურის (ელ-ფოსტით, ჩატის ან ვებგვერდის საშუალებით) მიცემის შემდეგ, კომპანია არ იღებს არანაირ პასუხისმგებლობას მაკეტში არსებულ შეცდომებზე და პროდუქცია ითვლება ჯეროვნად შესრულებულად.

1.3. მომხმარებელი იძლევა გარანტიას, რომ მის მიერ მოწოდებული მასალა არ არღვევს მესამე პირთა საავტორო, ინტელექტუალურ ან სავაჭრო ნიშნის უფლებებს. მესამე პირის მხრიდან პრეტენზიის წამოყენების შემთხვევაში, სრული ფინანსური და სამართლებრივი პასუხისმგებლობა ეკისრება მომხმარებელს.

2. ფასები, გადახდა და შეკვეთის გაუქმება

2.1. შეკვეთის დამუშავება და წარმოება იწყება მხოლოდ მომხმარებლის მიერ საფასურის სრულად (ან შეთანხმებული ავანსის) გადახდის შემდეგ.

2.2. შეკვეთის გაუქმება: ვინაიდან პროდუქცია მზადდება ინდივიდუალური შეკვეთით, წარმოების პროცესში გაშვებული შეკვეთის გაუქმება ან გადახდილი თანხის უკან დაბრუნება დაუშვებელია.

3. ფერების განსხვავება და ტექნიკური თავისებურებები

3.1. მომხმარებელი იღებს ცნობას, რომ ციფრულ ეკრანზე (RGB) ასახული ფერები შესაძლოა მცირედით განსხვავდებოდეს რეალურად ნაბეჭდი პროდუქციის ფერებისგან (CMYK/პოლიგრაფიული სტანდარტი). აღნიშნული არ წარმოადგენს ბეჭდვით დეფექტს ან წუნს და არ შეიცავს თანხის დაბრუნების ან ხელახლა დაბეჭდვის საფუძველს.

4. დამზადების ვადები და მიწოდება

4.1. ვებგვერდზე ან მენეჯერის მიერ დასახელებული დამზადების ვადები არის საორიენტაციო და კომპანია არ იღებს პასუხისმგებლობას მცირე შეფერხებებზე, რომლებიც გამოწვეულია ტექნიკური, ლოჯისტიკური ან მესამე პირების (საკურიერო სერვისების) მიზეზით.

4.2. საკურიერო მომსახურებისას ტვირთის დაზიანების ან დაკარგვის რისკზე პასუხისმგებელია გადამზიდი (საკურიერო) კომპანია.

5. პრეტენზიები და დაბრუნება

5.1. ინდივიდუალური შეკვეთით დამზადებული ჯეროვანი ხარისხის პროდუქცია უკან არ ბრუნდება და არ იცვლება.

5.2. შესაძლო აშკარა ქარხნული წუნის აღმოჩენის შემთხვევაში, მომხმარებელი ვალდებულია წერილობით აცნობოს კომპანიას პროდუქციის მიღებიდან 24 საათის განმავლობაში და წარადგინოს შესაბამისი ფოტო/ვიდეო მტკიცებულება. ამ ვადის გასვლის შემდეგ პრეტენზიები აღარ მიიღება.